Bu ilin yanvar-sentyabr aylarında Azərbaycanda 168,6 min ton yanacaq kimi istifadə edilən, təzyiq altında maye halında saxlanılan propan və butan istehsal edilib, bu da illik müqayisədə 13,8% çoxdur.

Bu barədə “APA-Economics” Dövlət Statistika Komitəsinə istinadən xəbər verir.

Məlumata görə, ötən ilin yanvar-sentyabr aplarında qeyd olunan göstərici 148,2 min ton səviyyəsində olub.

Qeyd etmək lazımdır ki, propan və butan Mayeləşdirilmiş Neft Qazının və ya maye qaz (liquefied petroleum gas - LPG) əsas komponentləridir. Satış çeşidinin tərkibində adətən, tərkibində az miqdarda propilen, butilen, izobutan və izobutilen olan qazların qarışığından ibarət olur və konteynerlərdə təzyiq altında saxlanılır. Propan və butanın qarışığı, istifadə məqsədindən və ilin fəslindən asılıolaraq dəyişir. Maye qaz qızdırılma üçün və nəqliyyatda yanacaq kimi istifadə oluna bilər.