Noyabrın 1-də ABŞ fond bazarlarında əsas indekslər yüksəlib.

“APA-Economics” xəbər verir ki, Dow Jones Industrial Average 0,09% artaraq 47 562,87 bəndə, S&P 500 indeksi 0,26% artaraq 6 840,20 bəndə, Nasdaq Composite isə 0,61% artaraq 23 724,96 bəndə yüksəlib. NYSE Composite 0,04% artaraq 21 459,58 bənd, Kanadanın S&P/TSX indeksi isə 0,27% artaraq 30 260,74 bənd təşkil edib.

Avropa bazarlarında isə Euro Stoxx 50 indeksi 0,65% azalaraq 5 662,04 bəndə, Almaniyanın DAX indeksi 0,67% azalaraq 23 958,30 bəndə, Böyük Britaniyanın FTSE 100 indeksi 0,44% azalaraq 9 717,25 bəndə, Fransanın CAC 40 indeksi 0,44% azalaraq 8 121,07 bəndə, İspaniyanın IBEX 35 indeksi isə 0,05% azalaraq 16 032,60 bəndə enib.

Analitiklər ABŞ bazarlarında artımı texnoloji və enerji sektorlarında baş verən canlanma ilə əlaqələndirirlər. Avropa indekslərindəki azalma isə bölgədə inflyasiya göstəriciləri və Mərkəzi Bankların faiz siyasətinə dair qeyri-müəyyənliklərlə izah olunur.