Noyabrın 20-də ABŞ bazarlarında əsas indekslərdə eniş, Avropa birjalarında isə artım müşahidə olunub.

"APA-Economics" xəbər verir ki, ABŞ bazarında Dow Jones indeksi 0,84% azalaraq 45 752,26 bəndə enib. S&P 500 indeksi gün ərzində 1,56% aşağı düşüb və sessiyanı 6 538,76 bəndlə tamamlayıb. Nasdaq Composite indeksində də geriləmə müşahidə olunub: göstərici 2,15% azalaraq 22 078,05 bənd təşkil edib. NYSE Composite indeksi 1,21% geriləyərək 20 912,89 bəndə düşüb, Kanada S&P/TSX indeksi isə 1,23% azalma ilə 29 906,55 bənd səviyyəsində bağlanıb.

Bunun əksinə olaraq, Avropa ticarət sessiyası müsbət nəticələrlə yekunlaşıb. Euro Stoxx 50 indeksi 0,50% artaraq 5 569,92 bəndə yüksəlib. Böyük Britaniyanın FTSE 100 indeksi 0,21% artımla 9 527,65 bənd təşkil edib. Almaniyanın DAX indeksi 0,50% yüksələrək 23 278,85 bəndlə nəticələnib. Fransanın CAC 40 indeksi 0,34% artımla 7 981,07 bəndə çatıb, İspaniyanın IBEX 35 indeksi isə 0,63% artaraq 15 988,90 bənd səviyyəsinə yüksəlib.

Analitiklər bildirirlər ki, ABŞ bazarlarındakı geriləmə investorların faiz qərarları ilə bağlı ehtiyatlı mövqeyi və texnoloji sektorun zəifləməsi ilə əlaqədardır, Avropa bazarlarındakı yüksəliş isə şirkət gəlirləri ilə bağlı optimist gözləntiləri əks etdirir.