Rusiyadan İrana qaz idxalı ilə bağlı razılaşma tezliklə imzalanacaq.

Bu barədə İranın neft naziri Mohsen Paknejad bildirib.

Onun sözlərinə görə, Rusiyadan İrana təbii qazın idxalı ilə bağlı razılaşmalar yekun mərhələdədir, sadəcə bir neçə bənd qalıb ki, onun üzərində çalışmaq lazımdır.

Nazir deyib ki, tezliklə bu prosesin konkret bir müqavilə ilə nəticələnəcəyi gözlənilir.

Paknejad qeyd edib ki, Cənubi Pars yatağından rekord həddə - 730 milyon kubmetrlik qaz çıxarılmasına baxmayaraq, istehlakda natarazlıqlar Rusiyadan qaz idxalını strateji zərurətə çevirir.