Pakistan İsrailin İrana hücumunu qəti şəkildə pisləyir.

APA-nın Xankəndiyə ezam olunmuş əməkdaşı xəbər verir ki, bunu Pakistan Baş naziri Məhəmməd Şahbaz Şərif İqtisadi Əməkdaşlıq Təşkilatının (İƏT) 17-ci Zirvə görüşündə bildirib.

Pakistan Baş naziri İranda həlak olanlarla bağlı başsağlığı verib, yaralılara tezliklə şəfa arzulayıb: “Hindistanın Pakistana təcavüzünə qəti şəkildə cavab verildi, təxribatın qarşısını aldıq. Mən İƏT-də qardaş üzv dövlətlərə Pakistanla həmrəyliyə görə təşəkkür edirəm. Hindistanın təcavüzünü yaddan çıxarmayacağıq”.

Məhəmməd Şahbaz Şərif qeyd edib ki, Hindistan Pakistana qarşı sudan silah kimi istifadə edir: “Beynəlxalq ictimaiyyət buna yol verməməlidir”.