Ermənistan xarici işlər nazirinin müavini sabah Cənubi Qafqazda gedən prosesləri müzakirə etmək üçün İrana səfər edəcək.

APA xəbər verir ki, bunu İran XİN sözçüsü İsmayıl Bəqayi mətbuat konfransında deyib.

Onun sözlərinə görə, Ermənistan İran üçün narahatlıq doğuran istənilən addımın atılmasından çəkinəcək.

Bu gün isə Ermənistanın Baş naziri Nikol Paşinyan və İran prezidenti Məsud Pezeşkian arasında telefon danışığı baş tutacaq.

Bəqayi İranın Cənubi Qafqazda regiondan kənar qüvvələrin mövcudluğunun əleyhinə olduğunu vurğulayıb.