Kiyevə silah və ya ikili təyinatlı humanitar yardım tədarükünün mümkünlüyü ilə bağlı Rusiyanın mövqeyi Azərbaycana yaxşı məlumdur.

APA xəbər verir ki, bunu Rusiya Xarici İşlər Nazirliyinin nümayəndəsi Aleksey Fadeev brifinqdə deyib.

Onun sözlərinə görə, bu cür addımlar sülh prosesinə töhfə vermir və yalnız mövcud vəziyyəti daha da gərginləşdirir.

Qeyd edək ki, bu gün Azərbaycan Respublikasının Prezidenti İlham Əliyevin müvafiq Sərəncamına əsasən, Azərbaycandan Ukraynaya humanitar yardım məqsədli elektrik hava xətləri avadanlıqlarından ibarət yükün ilk hissəsi yola salınıb.