“Bu ilin may ayında Pakistan Hindistanın təxribatlarına cavab verdi. Bu sadəcə pakistanlılar üçün yox, həm də azərbaycanlılar üçün iftixar mənbəyi oldu”.

Bunu Pakistanın ölkəmizdəki səfiri Qasım Mohuiddin Pakistan İslam Respublikasının müstəqilliyinin 78-ci ildönümü ilə bağlı keçirilən tədbirdə çıxışı zamanı deyib.

“Pakistan göstərdiyi qətiyyətli dəstəyə görə, Azərbaycana təşəkkür edir. Necə ki Prezident İlham Əliyevin müdrik siyasəti nəticəsində Azərbaycan Qarabağı uğurla azad etdi, Pakistan da Cammu və Kəşmirin azadlığı üçün səyləri davam etdirəcək. Yaşasın Pakistan və Azərbaycan qardaşlığı”.