Qardaş ölkələrin bir-birinə məscid hədiyyə etməsi atalarımızın adətinə uyğundur.

APA-xəbər verir ki, bunu Türkiyənin Azərbaycandakı səfiri Birol Akgün Türkmənistan tərəfindən Azərbaycan xalqına hədiyyə olunmuş məscidin Füzuli şəhərində təməlqoyma mərasimi münasibətilə keçirilən brifinqdə deyib.

Qəbələdə Türk Dövlətləri Təşkilatının Dövlət Başçıları Şurasının 12-ci Zirvə görüşü çərçivəsində liderlərin bir araya gəlməsini qürurverici hadisə adlandıran səfir Türkmənistanın hədiyyəsini bir dövlətin digər qardaş ölkəyə verə biləcəyi ən gözəl hədiyyə adlandırıb.