“Azərbaycanla rəqəmsal identifikasiya üzrə əməkdaşlığa başlayırıq”.

“APA-Economics” xəbər verir ki, bu barədə Türkiyənin “Arksigner” şirkətinin həmtəsisçisi Bakıdakı Türk Dövlətləri InsurTech Zirvəsində çıxışı zamanı deyib.

O qeyd edib ki, rəqəmsal identifikasiya və imza sistemlərinin inteqrasiyası sığorta sektorunda müştəri tanıma (KYC) və onboarding (müştərinin xidmətə ilk daxil olma prosesi) mərhələlərini sadələşdirəcək, əməliyyatları daha təhlükəsiz və sürətli edəcək: “Türkiyədə bir çox yeni inteqrasiyalar həyata keçirmişik. Hazırda Azərbaycanın “SİMA” platforması ilə əməkdaşlıq əlaqələrinin qurulması üzərində də işləyirik. Bu, iki ölkə arasında rəqəmsal identifikasiya sahəsində mühüm addım olacaq.”

Ö. Kahramanerin sözlərinə görə, belə əməkdaşlıqlar Türk Dövlətləri arasında rəqəmsal imza və identifikasiya sistemlərinin uyğunlaşdırılmasına, həmçinin sığorta xidmətlərinin transsərhəd rəqəmsal inteqrasiyasına töhfə verəcək.