Daşkənddə keçirilən VII Məşvərət Görüşü tarixi qərarla yadda qaldı — Azərbaycan bu formatın tamhüquqlu iştirakçısı kimi qəbul olundu. Bu addım Mərkəzi Asiya və Azərbaycan arasında həmrəyliyin, qarşılıqlı etimadın və strateji tərəfdaşlığın yeni mərhələsidir.

Bunu xalqcebhesi.az-a Özbəkistanda Azərbaycan Mili Mədəniyyət Mərkəzinin İdarə Heyətinin sədri Mobil Məmmədov deyib.

O, qeyd edib ki, Mərkəzi Asiya və Azərbaycan artıq qlobal miqyasda nüfuzu əhəmiyyətli dərəcədə artan vahid geosiyasi və geoiqtisadi regiondur:

"Bu gün qurulan siyasi və mənəvi körpü xalqlarımızı sabitlik, firavanlıq və davamlı inkişaf yolunda birləşdirir.
Azərbaycan–Özbəkistan qardaşlığı regionun gələcəyinə xidmət edən dəyərli əməkdaşlıq nümunəsidir".

Cavid