Bakıda Azərbaycan-ABŞ Beyin Mərkəzlərinin 1-ci Forumu keçirilib.

APA xəbər verir ki, forumda Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev, yerli və xarici ekspertlər, diplomatlar və digər qonaqlar iştirak edib.

Forumda Vaşinqton sammitinin əsas siyasi, iqtisadi və təhlükəsizlik nəticələri, ABŞ-Azərbaycan tərəfdaşlığının Cənubi Qafqazda sülh quruculuğu və sabitliyə verə biləcəyi töhfələr, Azərbaycan-Ermənistan sülh prosesi üçün yeni imkan və risklər müzakirə olunub.

Bunlarla yanaşı Mərkəzi Asiya, Xəzər hövzəsi və Avropanı birləşdirmək üçün yeni regional təşəbbüslərin formalaşması və Azərbaycanın bu prosesdəki rolu, dövlət və özəl sektor tərəfdaşlıqları və beynəlxalq maliyyə institutlarının Avrasiyada yaşıl keçidə, ağıllı logistika həllərinə və rəqəmsal konnektivliyə verə biləcəyi dəstək və daha bir sıra mövzular barədə fikir mübadiləsi aparılıb.