Prezident İlham Əliyevin Zəngəzur dəhlizinin tikintisinin artıq başa çatmaq üzrə olması ilə bağlı açıqlaması, təkcə Azərbaycanın nəqliyyat imkanlarını genişləndirmir, həm də bütün bölgə üçün yeni iqtisadi və logistik perspektivlər açır.

Bunu Özbəkistanda fəaliyyət göstərən Azərbaycan Mədəniyyət mərkəzi İdarə Heyətinin sədri, Özbəkistandakı Azərbaycan diasporunun rəhbəri Mobil Məmmədov deyib.

O, qeyd edib ki, bu layihə, Naxçıvanın Azərbaycanla birbaşa əlaqəsinin təmin olunması baxımından xüsusi əhəmiyyət daşıyır və eyni zamanda Orta Dəhlizin güclənməsinə ciddi töhfə verəcək. İlkin mərhələdə 15 milyon ton yükdaşıma qabiliyyətinə malik bu dəhliz, region ölkələri arasında əməkdaşlığı daha da dərinləşdirəcək:

"RAzМММ Özbəkistan olaraq biz bu strateji təşəbbüsün bölgədə sülhə, əməkdaşlığa və qarşılıqlı iqtisadi inkişafa xidmət edəcəyinə inanırıq.
Bu mühüm addım Azərbaycan xalqının gücünü, dövlətimizin iradəsini və ölkəmizin qlobal nəqliyyat xəritəsində artan rolunu bir daha nümayiş etdirir".

Cavid