Milli Məclis bu gün keçirilən plenar iclasda bəyanat qəbul edib.
Xalqcəbhəsi.az xəbər verir ki, Milli Məclis Avropa Parlamentinin qərarına etiraz olaraq bəyanat qəbul edib.
Spiker Sahibə Qafarova qeyd edib ki, Avropa Parlamenti növbəti dəfə Azərbaycana qarşı qərəzli mövqe sərgiləyib.
Etiraz bəyanatını deputat Şahin İsmayılov oxuyub.
Xatırladaq ki, Milli Məclisin bügünkü iclasında Avropa Parlamenti ilə bağlı "Azərbaycan Respublikası Milli Məclisinin Bəyanatının təsdiq edilməsi haqqında" məsələyə baxılıb.
Bəyanatın mətninin hazırlanması üçün Komissiya yaradılıb və onun tərkibinə deputatlar Şahin İsmayılov, Fəzail İbrahimli, Zaur Şükürov, Pərvanə Vəliyeva və Bəhruz Məhərrəmov daxil edilib.