“Dünyada gedən proseslər yeni çağırışlar yaradır, hər bir dövlət buna adaptasiya olaraq uyğun addımlar atır”.

Bunu Azərbaycanın xarici işlər naziri Ceyhun Bayramov ilin yekunlarına dair keçirilən mətbuat konfransında deyib.

Nazir bildirib ki, bir il bundan öncə Suriyada baş verənlər hər kəsin yadındadır: “Bundan dərhal sonra Azərbaycan-Suriya münasibətləri kontekstində dəyişikliklər baş verdi. Daha əvvəl Bəşər Əsəd rejimi ilə Azərbaycan arasında heç bir münasibət yox idi. Buna səbəb bizə olan qeyri-dost addımları idi. Amma dəyişikliklər oldu və 13 ildən sonra Azərbaycanın Suriyada səfirliyi bərpa olundu. Azərbaycandan Suriyaya qaz ixracı bərpa olunub. Azərbaycanın boru xətti ilə qaz çatdırdığı 14-cü ölkə Suriya oldu".

Ceyhun Bayramov qeyd edib ki, Azərbaycan hər zaman dünyada gedən prosesləri izləyəcək və milli maraqlarımıza uyğun addımlar atacaq.