İrandan Azərbaycan sərhədi ilə xarici vətəndaşların təxliyəsi davam edir.

APA-nın cənub bürosunun xəbərinə görə, bu gün Astara Sərhəd Gömrük-keçid məntəqəsindən Pakistan İslam Respublikasının vətəndaşları da təxliyə olunub. Təxliyə olunanlar arasında Pakistanın İrandakı səfirinin müşaviri İsmat Hassan Sial da olub. O, Azərbaycana minnətdarlıq edib: "Azərbaycan dövlətinə təşəkkürümüzü bildiririk ki, bizə keçid üçün şərait yaradıblar".