Ədalət, Hüquq, Demokratiya (ƏHD) Partiyasının sədri, millət vəkili Qüdrət Həsənquliyev Azərbaycan xanımlarını 8 Mart Beynəlxalq Qadınlar Günü münasibətilə təbrik edib.
Təbrikdə deyilir: "Əziz xanımlar! Sizi 8 Mart Beynəlxalq Qadınlar Günü münasibətilə ürəkdən təbrik edirəm!
Azərbaycan tarixboyu çox çətin və ağır sınaqlarla üz-üzə qalıb və bütün dönəmlərdə qadınlarımız əzm, iradə, dözüm və ləyaqət nümayiş etdirib.
Təsadüfi deyil ki, Azərbaycan tarixində qadınlarımızın çoxsaylı qəhrəmanlıq nümunələri var.
Vətən müharibəsində qadınlarımızın fədakarlığı heç bir zaman unudulmayacaq.
Əziz xanımlar! Sizi bir daha təbik edir, hər birinizə uğurlar, möhkəm cansağlığı və xoşbəxtlik arzulayıram!”.