Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi ötən il ərzində 396,7 min şəxsi aktiv məşğulluq tədbirləri ilə əhatə edib.

Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlardan 160 min nəfər münasib işlərlə təmin olunub, 17,3 min nəfər isə kiçik ailə təsərrüfatları yaratmaq üçün özünüməşğulluq proqramına cəlb edilib.

Agentlik 2024-cü ildə 15,6 min işsiz şəxs üçün peşə hazırlığı kursları təşkil edib. Həmçinin ötən il 203,8 min şəxsə peşəyönümü xidmətlər də göstərilib.