Bu gün Ağdam şəhərinə media-tur təşkil olunub.

APA-nın Qarabağ bürosu xəbər verir ki, media-tur iştirakçıları ilk olaraq Ağdam 1 nömrəli tam orta məktəbi və 1 nömrəli körpələr evi-uşaq bağçasının binaları ilə tanış olublar.

Qarabağ Regional Təhsil İdarəsinin müdiri Sənan Mənsimli jurnalistlərə burada görülən işlərdən danışıb. Qeyd olunub ki, 960 yerlik Ağdam şəhər 1 saylı tam orta məktəbində müasir sinif otaqları, fənn kabinetləri, laboratoriyalar qurulur.

Ağdam şəhər 1 saylı körpələr evi-uşaq bağçası 160 yerlikdir, burada uşaqlar üçün bütün şərait yaradılıb.

Bildirilib ki, Şuşada, Xankəndidə, Xocalıda, Ağdərədə hazırda məktəblər istifadəyə verilib . Xankəndidə bir məktəbin, Ağdərədə bir məktəbin, eyni zamanda Ağdam, Xocalı və Ağdərədə bir neçə uşaq bağçasının tikintisi başa çatmaq üzrədir.