"Hazırda müəllimlərə süni intellektlə bağlı təlimlər və müvafiq dəstək təqdim olunur".

Bunu elm və təhsil nazirinin müşaviri, Təhsil İnstitutunun direktor səlahiyyətlərini müvəqqəti icra edən Elnur Əliyev bu gün keçirilən “Keyfiyyətin yüksəldilməsi: Təcrübələr və yeni yanaşmalar” adlı elmi-praktiki beynəlxalq konfransın açılışında bildirib.

O bildirib ki, məqsəd 2030-cu ilin sonuna qədər ölkənin bütün məktəblərində metodik dəstəyin təmin edilməsinə nail olmaqdır:

“Bunun üçün müvafiq infrastrukturun formalaşdırılması, eyni zamanda nəticələri zəif olan məktəblərə xüsusi dəstək göstərilməsi planlaşdırılır”, - o qeyd edib.

Elnur Əliyev vurğulayıb ki, bu il 22 min dərs dinləməsi həyata keçirilib, 12 mindən çox müəllimə müxtəlif istiqamətlər üzrə təlimlər keçirilib.