Geomaqnit vəziyyət stabilləşib, yaxın günlərdə hər hansı pozuntu və ya maqnit qasırğası gözlənilmir.

Xalqcebhesi.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun (İKİ RAN) və RAN-ın Sibir Bölməsinin Günəş-Yer Fizikası İnstitutunun (İSZF SO RAN) Günəş astronomiyası laboratoriyası məlumat verib.

Məlumatda bildirilir ki, “Geomagnit vəziyyət sakitdir. Ötən günlərdə koronal boşluqdan qaynaqlanan qalıq pozuntular qeydə alınmışdı, lakin hazırda vəziyyət tam stabilləşib. Günəş küləyinin temperaturu və sürəti bir qədər yüksək qalır, amma bu artıq heç bir təsir göstərməyəcək. Yaxın 2–3 gün ərzində, ən azı fevralın əvvəlinədək tam "sakitlik" gözlənilir”.

Həmçinin qeyd olunur ki, Günəşin aktivliyi ümumilikdə sürətlə azalır və 1–2 ay davam edə biləcək uzunmüddətli durğunluq mərhələsinə keçid mümkündür.

Məryəm Quliyeva