NATO Şimali Koreya hərbçilərinin Rusiyanın Ukraynadakı hərbi əməliyyatında iştirakı ilə bağlı xəbərlərini təsdiq edə bilməz.

Xalqcebhesi.az xəbər verir ki, bu barədə NATO-nun Baş katibi Mark Rutte deyib.

Cənubi koreyalı jurnalistlərin suallarını cavablandıran Rutte qeyd edib:

"Bizim heç bir təsdiqedici məlumatımız yoxdur, lakin bilirik ki, Pxenyan Rusiyanın hərbi səylərini texniki baxımdan artıq dəstəkləyir".

Bununla bağlı o, Cənubi Koreyanı Ukraynanı daha fəal dəstəkləməyə çağırıb.

Qeyd edək ki, daha öncə Şimali Koreya hərbçilərinin Kursk ərazisinə göndərildiyi barədə xəbərlər yayılıb.