Slovakiya Ukraynanı elektrik enerjisi ilə təmin etməyə davam edəcək.

Xalqcebhesi.az xəbər verir ki, bu barədə Slovakiyanın SEPS dövlət elektrik sistemləri operatoru məlumat yayıb.

Şirkət Ukraynanın “Ukrenerqo” şirkəti ilə əvvəllər bağlanmış müqavilənin şərtlərinə əməl etmək niyyətində olduğunu bildirib.

Qeyd edək ki, bundan öncə Slovakiya Baş naziri Robert Fitso ölkəsinin lazım gələrsə 2025-ci ilin yanvarından Ukraynaya elektrik enerjisinin verilməsini dayandıracağını elan etmişdi. Buna səbəb Kiyevin Rusiya qazının Ukrayna ərazisindən tranziti ilə bağlı “Qazprom” ilə müqaviləni yeniləməməsi idi.