İstanbul Respublika Prokurorluğunun terror təşkilatı PKK-nın fəaliyyətini ifşa etmək üçün apardığı istintaqda şübhəli bilinən Suat Palanın 2015-ci ilin mart ayından bu qurumun nəzarətində fəaliyyət göstərən Fransa Demokratik Kürd Şurası (CDK-F) tərkibində Renn şəhərində çalışdığı müəyyən edilib.

Xalqcebhesi.az xəbər verir ki, bu barədə Türkiyənin “Anadolu” Xəbər Agentliyi məlumat paylaşıb.

Məlumatda bildirilir ki, 2018-ci ilin mart ayında keçirilən qurultayında təşkilatın rəhbərliyində fəaliyyət göstərən Rennes Amara Kürd Demokratik Cəmiyyət Mərkəzinin (DKTM) həmsədri seçilən və 2019-cu ildə vəzifəsini tərk edən Palanın fevralın 18-də Almaniyadan Türkiyəyə girəcəyi aşkar edilib.

Pala Türkiyəyə daxil olarkən təhlükəsizlik qüvvələrinin keçirdiyi əməliyyatla hava limanında saxlanılıb.

Polis bölməsindəki əməliyyatlardan sonra Pala İstanbul Ədliyyəsinə sövq edilərək həbs edilib.