ABŞ Prezidenti Donald Trampın məni "diktator" adlandırmasından incimirəm.

Axar.az xəbər verir ki, bu barədə Ukrayna Prezidenti Vladimir Zelenski “Ukrayna 2025-ci il” forumu zamanı keçirdiyi mətbuat konfransında deyib.

O qeyd edib ki, onun emosiyaya vaxtı yoxdur:

"Ona görə də hazırkı administrasiya ilə münasibətlərimizə praqmatik yanaşıram. Və bunu etməyə davam edəcəyəm. Təbii ki, Prezident Trampın mənə ünvanladığı bu sözləri, yumşaq desək, tərif adlandırmazdım. Amma niyə inciyim? Diktator olan şəxs "diktator" sözündən inciyər. Biz birtəhər ABŞ ilə yaşayacağıq".

Zelenski qanuni yolla seçilmiş prezident olduğunu vurğulayıb:

"Güc yolu ilə hakimiyyətə gəlmədim. 73% məni seçdi".