Türkiyənin Ailə və Sosial Xidmətlər Nazirliyi vətəndaşlara evlilik krediti adı ilə edilən saxtakarlıqlara qarşı xəbərdarlıq edib.

Xalqcəbhəsi.az “Demirören” Xəbər Agentliyinə istinadən bildirir ki, Nazirliyin sosial media hesabından edilən açıqlamada "Dələduzluq cəhdlərinə qarşı diqqətli olun. Son günlər evlilik krediti adı ilə vətəndaşlarımızı aldatmaq cəhdləri aşkarlanıb. Müraciətlər rəsmi saytlardan başqa heç bir link vasitəsilə edilmir. Evlilik kreditinə müraciət və ya kreditin ödənilməsi mərhələsində heç bir rüsum tələb olunmur. Lütfən, şəxsi məlumatlarınızı qoruyun və fırıldaqçılardan ehtiyatlı olun. Nazirliyimiz bütün bu kimi saxtakarlıqlara qarşı qanuni proseslərə başlayıb” deyə qeyd edilib.