Birləşmiş Millətlər Təşkilatının (BMT) sözçüsü Stefan Düjarrik gündəlik mətbuat konfransında açıqlama verib. O, Qəzzada humanitar yardım əməliyyatlarının ciddi şəkildə məhdudlaşdırıldığını və İsrailin “hərbi əməliyyatları”, humanitar yardım və kommersiya məhsullarının blokadası, humanitar işçilərə və obyektlərə qarşı ölümcül hücumların bu kontekstdə böyük rol oynadığını bildirib.

Düjarrik İsrail səlahiyyətlilərinin öncəki gündən etibarən 14 humanitar yardım səyindən 8-ni əngəllədiyini və 18 Martda Təl-Əvivin atəşkəsi pozmasından sonra BMT-nin 170 humanitar yardım əməliyyatına cəhd etdiyini, lakin bunların 68 faizinin əngəlləndiyini vurğulayıb.