Liviyanın paytaxtı Tripolidə baş verən hadisələrdən sonra şəhəri tərk etmək istəyən Türkiyə vətəndaşlarını daşıyan Türk Hava Yollarının (THY) ilk təyyarəsi havaya qalxıb.

Xalqcebhesi.az “Anadolu” Xəbər Agentliyinə isitinadən bildirir ki, Mitiqa Beynəlxalq Hava Limanından müntəzəm beynəlxalq uçuşlar mayın 16-dan başlayıb.

Bu çərçivədə Türkiyə vətəndaşlarını daşıyan ilk THY təyyarəsi bu gün Mitiqa Beynəlxalq Hava Limanından yola düşüb.

Libya Build 2025 sərgisində iştirak etmək üçün Tripoliyə gələn şirkət nümayəndələri də daxil olmaqla, əksəriyyəti ölkənin müvəqqəti sakinləri olan Tripolini tərk etmək istəyən Türkiyə vətəndaşları Türkiyənin Tripolidəki səfirliyinin koordinasiyası ilə bu reyslə ölkəni tərk ediblər.

Türkiyənin Tripolidəki səfirliyinin normal qaydada işini davam etdirdiyi bildirilib.