İspaniyada elektrik enerjisinin kəsilməsindən sonra mobil telefon şəbəkəsi də çöküb.

APA yerli mediaya istinadən xəbər verir ki, İspaniyada elektrik enerjisinin kəsilməsindən bir neçə həftə sonra ölkədəki əsas mobil telefon operatorunun fəaliyyətində kəsinti müşahidə olunub.

İspaniya və Latın Amerikasının ən böyük telekommunikasiya şirkəti “Telefonica”nın şəbəkəsinin çökməsi səbəbindən bir sıra bölgələrdə təcili tibbi yardım xidməti alternativ telefon nömrələri təqdim etməli olub.

Araqon, Ekstremadura, Baskoniya və Valensiyada əhaliyə 112 (təcili tibbi xidmət üçün) nömrəsi ilə əlaqə saxlaya bilməyəcəkləri barədə xəbərdarlıq edilib.