Bu gün İstanbulda Rusiya və Ukrayna arasında baş tutan danışıqlar zamanı tərəflərin atəşkəsə dair təklif və tələblərini qiymətləndirilməsi hədəfə alınıb.

APA-nın İstanbul müxbirinin verdiyi xəbərə görə, bu barədə Türkiyə xarici işlər naziri Hakan Fidan Çırağan Sarayında Türkiyə-Rusiya -Ukrayna üçtərəfli görüşündə açılış nitqində deyib.

O qeyd edib ki, yeni zamanda hədəflər arasında əsirlərin mübadiləsi məsələsi də var.

Fidan, həmçinin, iki ölkənin liderlərinin görüşünün hazırlanmasının vacib olduğunu vurğulayıb: “Tərəflərin qarşılıqlı problemlərə dair görüş məsafəsini azaltmaqla qarşıdakı sülhün yolunun daşlarını döşəmək mümkün olacaq. Danışıqların məhsuldar keçməsi ilə ən qısa zamanda müsbət irəliləməyə nail olmaq və arzu olunan nəticəni əldə etmək təməl gözləntimizdir. ”

Türkiyəli nazirin sözlərinə görə, ABŞ Prezidenti Donald Trampın sülhə inamını yeni fürsət pəncərəsini açıb.