Təbriz Tibb Elmləri Universitetinin ginekoloqu və müəllimi Dr. Şəmsi Abbasəlizadə son etirazlar zamanı təhlükəsizlik qüvvələri tərəfindən döyülüb və daha sonra naməlum yerə aparılaraq həbs edilib.

Gunaz.tv

Bu xəbəri Azərbaycanlı vəkil və insan haqları fəalı Qasım Bodi X sosial şəbəkəsindəki hesabında paylaşıb.

Dr. Abbasəlizadə əvvəllər 2022-ci il etirazları zamanı həbs olunmuş və Aylar Haqinin öldürülməsinə etiraz edən tələbə toplantılarında iştirak etdikdən sonra bütün təhsil və tibbi fəaliyyətlərdən kənarlaşdırılmışdı.

Bu dövrdə Təbrizdəki Əl-Zəhra Xəstəxanasının bir qrup klinik tələbəsi bir neçə professorla birlikdə tətilə çıxıb və 30 noyabr 2022-ci ildə doktor Abbasəlizadənin ədalətsiz şəkildə işdən çıxarılmasına etiraz olaraq toplaşmışdılar.

Xəbərlərə görə, o, bütün peşəkar həyatını universitetə və xəstəxanaya həsr edib və şəxsi maraqlarından uzaq tibbi və təhsil işləri ilə məşğul olub. Onun harada olduğu və hazırkı vəziyyətinin hələ də məlum olmadığı deyilir.