Cənubi Koreya Hərbi Hava Qüvvələrinə (HHQ) məxsus KF-16 tipli qırıcı ABŞ-ın Alyaska ştatında keçirilən “Red Flag – Alaska” hərbi təlimləri zamanı zədələnib.

Bu barədə “Yonhap” agentliyi məlumat yayıb.
Məlumata görə, Seul vaxtı ilə saat 09:02 radələrində təlim çərçivəsində havaya qalxmağa cəhd edən zaman təyyarədə nasazlıq baş verib və iki pilot təcili şəkildə katapult əməliyyatından istifadə edib.

Onlar xəsarət almayıb, lakin profilaktik müayinə məqsədilə yaxınlıqdakı xəstəxanaya aparılıblar.

Agentliyin yazır ki, iki nəfərlik təyyarə alışıb, lakin zədələnmənin dəqiq miqyası hələlik məlum deyil.

Cənubi Koreya HHQ hadisənin səbəblərini müəyyən etmək üçün ABŞ tərəfi ilə sıx əlaqədədir.