Türkiyənin paytaxtı Ankarada yerləşən 26 mərtəbəli yaşayış binasında güclü yanğın baş verib.

Xalqcebhesi.az xəbər verir ki, bu barədə TRT Haber telekanalı məlumat yayıb.

Telekanalın verdiyi məlumata görə, yanğının söndürülməsi üçün təxminən dörd saat ərzində intensiv iş aparılıb və nəticədə alov nəzarət altına alınıb.

Yanğınsöndürmə briqadasından alınan məlumata əsasən, ümumilikdə 39 nəfər xəsarət alıb, onlardan 7-si yanğınsöndürənlərdir. Təəssüf ki, hadisə zamanı 3 nəfəri xilas etmək mümkün olmayıb, o cümlədən 3,5 aylıq bir körpə də həyatını itirib.

Hadisənin başvermə səbəbi ilə bağlı araşdırma aparılır.

Məryəm Quliyeva