İtaliyada Qərbi Nil Virusuna (WNV) yoluxanların sayı son bir həftədə 20-yə yüksəlib.

Xalqcebhesi.az xəbər verir ki, İtaliya mətbuatının məlumatına görə, ağcaqanadlar vasitəsilə ötürülən yoluxucu xəstəlik olan WNV-yə yoluxanların sayı sürətlə artıb.
İtaliya Ali Sağlamlıq İnstitutunun məlumatlarına görə, bu il WNV diaqnozu qoyulan insanların sayı 10 idi, lakin iyulun 20-də Latınada 82 yaşlı qadının virusdan ölməsindən sonra Lazio və Campania bölgələrində aparılan testlər nəticəsində yoluxma sayı 20-yə yüksəldi.
Qeyd olunub ki, Kampaniya bölgəsində yeni aşkarlanmış 8 WNV hadisəsindən 4-ü xəstəxanada müalicə olunub, 2 nəfərdə isə Latsio bölgəsində WNV diaqnozu qoyulub və bununla da bir həftə ərzində yoluxmaların sayı iki dəfə artıb.
Campania Regional Hökumətinin sədri Vincenzo De Luca mətbuata bildirib ki, hadisələrin sayının sürətlə artmasına baxmayaraq, onların bölgəsində vəziyyət nəzarət altındadır. Bu arada, hadisələrin sürətlə artması səbəbindən, xüsusən Campania bölgəsindəki Caserta yaxınlığındakı Sessa Aurunca şəhərində təcili dezinfeksiya işlərinə başlanılıb.

Bu ilin mart ayında ölkədə bir nəfər WNV-dən dünyasını dəyişib.

İtaliya Səhiyyə İnstitutunun məlumatına görə, 2024-cü ildə ölkədə 460 WNV hadisəsi və virusla bağlı 20 ölüm qeydə alınıb.

Məryəm Quliyeva