Fələstinin rəsmi xəbər agentliyi WAFA-nın məlumatına görə, İsrailin Qəzza zolağının şimal-qərbindəki Sudaniya bölgəsini bombalaması nəticəsində 3 fələstinli həlak olub.

İsrail döyüş təyyarələri Qəzzanın şimal-şərqindəki Tuffah məhəlləsinə iki ayrı hava hücumu həyata keçirib. Hücumlarda 3 fələstinli ölüb, bir neçəsi yaralanıb.

Həmçinin İsrailə məxsus PUA-nın Qəzzanın cənub-şərqindəki Zeytun məhəlləsində yerləşən Səlahəddin məscidi yaxınlığında bir qrup mülki vətəndaşı hədəf alması nəticəsində 2 fələstinli ölüb, çox sayda yaralı var.

Qəzza şəhərinin qərbindəki Rimal məktəbinə və Xan Yunisin qərbindəki Maslah bölgəsi yaxınlığında köçkünlərin məskunlaşdığı çadıra edilən hücumlarda daha iki fələstinli ölüb, bir neçəsi yaralanıb.

Eyni zamanda, İsrail qayıqlarından Qəzza sahillərinə çoxsaylı artilleriya mərmiləri atılıb.