Rusiyada rus dilini bilməyən miqrantların xidmət sektorunda işə götürülməsi qadağan edilə bilər.

“Report” Rusiya KİV-inə istinadən xəbər verir ki, bu barədə Əmək Nazirliyi məlumat yayıb.

Bildirilib ki, nazirlik vətəndaşlarla qarşılıqlı sosial əlaqə tələb edən vəzifələrə rus dilini bilməyən əcnəbilərin götürülməsinə qadağa qoyulmasını təklif edən sənəd hazırlayıb.

Yeni qaydanın xüsusilə sürücülərə, satıcılara və tibb işçilərinə aid ediləcəyi vurğulanır.