Çinin “China Daily” qəzeti yazır ki, Amerika lideri Donald Tramp ABŞ-ın beynəlxalq ticarətə təsirini həddən artıq qiymətləndirib.

“Tramp sadəcə tarif dəyənəyi yelləməklə dünyada ticarət qaydalarının dəyişməsinə təsir göstərə bilməyəcək”.

Nəşr qeyd edir ki, birtərəfli proteksionist və “istismarçı” yanaşmadan başqa, Tramp qlobal ticarət praktikasına heç bir faydalı qayda tətbiq etməyib.

Nəşr xüsusilə ABŞ-ın Hindistanla münasibətlərinə diqqət çəkir və vurğulayır ki, Rusiya neftinin alınmasını dayandırmaq üçün Nyu Dehliyə təzyiq yalnız “ABŞ və Hindistan arasında çıxılmaz vəziyyətə düşmüş ticarət məsləhətləşmələrini daha da çətinləşdirəcək”.

Bundan əlavə, Vaşinqtonun Aİ daxil olmaqla bəzi digər aparıcı iqtisadiyyatlarla danışıqları da “rəvan getmir”.

China Daily əlavə edir ki, Ağ Ev daim tarif müharibəsini geosiyasətlə, o cümlədən Ukrayna böhranı ilə əlaqələndirməyə çalışır.

Cavid