ABŞ-nin texnologiya nəhəngi “Apple” ABŞ-yə 100 milyard dollarlıq yeni sərmayə qoyacağını açıqlayıb.

Apple-dan verilən açıqlamada şirkət tədarük zəncirini və qabaqcıl istehsal texnologiyalarını ABŞ-yə gətirmək məqsədi daşıyan American İstehsal Proqramının başladığını elan edib. Proqram Apple-ın ABŞ-dəki investisiyalarını artıracaq.

Açıqlamada qeyd olunub ki, Apple ABŞ-yə 100 milyard dollarlıq yeni bir sərmayə qoymağı öhdəsinə götürüb və bu ölkəyə gələn 4 il ərzində ümumi investisiyanı 600 milyard dollara çatdıracaq.

Açıqlamada həmçinin bildirilib ki, Apple qarşıdakı 4 il ərzində ABŞ-də 20 min iş yeri yaratmağı planlaşdırır, bu iş yerlərinin əksəriyyəti AR-GE, silikon mühəndisliyi, proqram təminatının inkişafı, süni intellekt sahələrindədir.