"Avropa İttifaqı regional əlaqələrin gücləndirilməsinə, xalqların illərlə davam edən münaqişənin öhdəsindən gəlməsinə və sülhə doğru yolda irəliləməsinə kömək etməyə hazırdır".

Bunu Avropa İttifaqı Şurasının Prezidenti Antonio KoştaAzərbaycan və Ermənistan liderləri ilə telefon danışıqlarından sonrakı bəyanatında bildirib.

“Mənim bu həftə Prezident Əliyev və Baş nazir Paşinyanla çox müsbət telefon danışıqlarm oldu. Sülh razılaşmasının tarixi paraflanması və Azərbaycan-Ermənistan dövlətlərarası münasibətlərin qurulması hər iki ölkə və region üçün davamlı sülhə nail olmaq yolunda mühüm addımdır”, - Koşta bəyanatında qeyd edib.