Malidə dövlət çevrilişinə cəhdin qarşısının alındığı və bir neçə nəfərin, o cümlədən Fransa vətəndaşının tutulduğu açıqlanıb.

Dövlət televiziyası olan ORTM-də oxunan bəyanatda bildirilir ki, təhlükəsizlik qüvvələri içərisində ölkədə sabitliyi pozmağa cəhd edən “marjinal qrup” darmadağın edilib. Bəyanatda xarici dövlətlərdən dəstək alan qrupun Malinin yenidən inşa müddətini baltalamağı hədəflədiyi qeyd edilib.

Açıqlamada şübhəlilərin avqustun 1-də saxlanıldığı və onların arasında Vizilier Yann adlı Fransa vətəndaşının da olduğu bildirilib.
Bəyanatda həmçinin vəziyyətin tam nəzarət altında olduğu və digər cinayətkarların müəyyənləşdirilməsi istiqamətində araşdırmaların davam etdiyi bildirilib.

Saxlanılanlar arasında briqada generalları və polkovnik-leytenantlar da var.

Qeyd esək ki, 2022-ci ilin mayında Malidə də çevriliş cəhdinin qarşısı alınmışdı.