İsrail ordusunun Nasser xəstəxanasına hücumu nəticəsində həlak olan jurnalist Məryəm Əbu Dekkanın və oğlunun fotosu ilə vəsiyyəti yayımlanıb.

Xalqcəbhəsi.az “TRT Haber”ə istinadla bildirir ki, Əbu Dekka oğluna "Oğlum, anasının qəlbi və ruhu” deyə müraciət edərək, "Mənim üçün ağlama. Çalışqan və uğurlu ol. Sənin böyük iş adamı olmağını istərdim”.

Oğluna anasını heç vaxt unutmamalı olduğunu və onun üçün hər şeyi etdiyini xatırladan fələstinli jurnalist vəsiyyətində deyib: “Böyüyüb evlənəndə qızın olsa, ona mənim adıma qoyarsan. Sən mənim sevgilim, ürəyim, dayağım, canım və oğlumsan. Səninlə başım dik durur”.

Məryəm Əbu Dekka həmçinin oğluna vəsiyyətində 3 dəfə “namaz” kəlməsini işlətməklə duanın vacibliyini vurğulayaraq ibadətin əhəmiyyətini xatırladıb.