Əlcəzairin Birləşmiş Millətlər Təşkilatındakı (BMT) daimi nümayəndəsi Əmmar Bin Cami dünən ABŞ-nin Nyu York şəhərində 15 üzvdən ibarət BMT-nin Təhlükəsizlik Şurasının Qəzzadakı vəziyyəti dəyərləndirmək üçün keçirilən iclasında çıxış edib. O, ilk növbədə öldürülən jurnalistlərdən danışıb.

Ə.B.Cami qeyd edib ki, İsrailin hərəkətləri nəticəsində Qəzzada iztirablar ağlasığmaz vəhşilik həddinə çatıb. O bildirib ki, İsrail hakimiyyəti Qəzzanın ağrılı reallığını gizlətməyə çalışır, bununla da beynəlxalq jurnalistlərin ölkəyə girişinə qadağa qoyur və fələstinli jurnalistləri qəsdən hədəfə alıb öldürür.

Ə.B.Cami İsrailin hücumları nəticəsində 246 jurnalistin öldüyünü vurğulayıb.