ABŞ-ın Ukraynanın təhlükəsizlik zəmanətlərinə verəcəyi töhfə yaxın həftələrdə müəyyən ediləcək.

APA xəbər verir ki, bu barədə Fransa Prezidenti Emmanuel Makron Parisdə keçirilən “istəklilər koalisiyası”nın görüşündən sonra təşkil olunan mətbuat konfransında bildirib.

Makron bu məsələni ABŞ Prezidenti Donald Tramp ilə razılaşdırdıqlarını vurğulayıb.

“Biz Amerika Prezidenti ilə danışdıq. Nəticə olaraq belə qərara gəldik ki, yaxın həftələrdə ABŞ-ın koalisiyadakı rolu və töhfəsi dəqiq müəyyən olunacaq və yekunlaşdırılacaq. Eyni zamanda Avropa ölkələrinin, Asiya-Sakit okean regionunun və Kanadanın da öhdəlikləri müəyyənləşdirilib. Müharibəni dayandırmaq üçün ilkin və ikinci dərəcəli öhdəliklər razılaşdırılıb”, – deyə Makron qeyd edib.