ABŞ Prezidenti Donald Tramp Ağ Evdə ölkənin bir çox aparıcı texnologiya şirkətlərinin yüksək səviyyəli rəhbərlərini şam yeməyində qonaq edib.

Tesla və SpaceX şirkətlərinin sahibi və Trampla yaxın əlaqələri ilə tanınan Mask orada olmayıb.

Tramp şam yeməyində etdiyi çıxışda süni intellektə qoyulan investisiyaları xüsusilə vurğulayaraq ABŞ-nin bu sahədə Çini qabaqladığını diqqətə çatdırıb.

Şam yeməyində çıxış edən şirkət rəhbərləri texnologiya sərmayələrinə verdiyi dəstəyə və töhfələrinə görə Trampa təşəkkür edib, həmçinin süni intellekt sahəsindəki yeni sərmayələrdən bəhs ediblər.

Daha əvvəl mətbuata qapalı olacağı açıqlanan tədbir axşam yeməyindən qısa müddət əvvəl mətbuata açılıb və kameralar Trampla texnologiya liderlərini bir yerdə görüntüləyib.