ABŞ Dövlət Departamenti Mərkəzi Amerika vətəndaşlarına tətbiq edilən yeni viza məhdudiyyətlərinin təfərrüatları ilə bağlı açıqlama yayıb.

Xalqcəbhəsi.az-ın “TRT Haber”ə istinadla məlumatına görə, açıqlamada bildirilir ki, ABŞ Çin Kommunist Partiyası (ÇKP) adından fəaliyyət göstərən və regionda qanunun aliliyinə xələl gətirən fəaliyyətləri yönləndirən, təsdiqləyən, maliyyələşdirən və ya əhəmiyyətli dəstək verən Mərkəzi Amerika vətəndaşları üçün viza məhdudiyyətləri ilə bağlı yeni siyasət elan edib.

Bu cür fəaliyyətlərlə əvvəllər ÇKP ilə əməkdaşlıq etmiş bəzi Mərkəzi Amerika vətəndaşlarına qarşı viza məhdudiyyətlərinin həyata keçirilməsi üçün addımlar atıldığı qeyd edilən açıqlamada bildirilib ki, bu şəxslərin və onların yaxın ailə üzvlərinin ABŞ-yə girişi qadağan edilib.