ABŞ Maliyyə Nazirliyi, G7 ölkələri və Avropa İttifaqını, Rusiyadan neft idxalı edən Çin və Hindistana qarşı əhəmiyyətli gömrük rüsumları tətbiq etməyə çağırıb.

Xalqcebhesi.az xəbər verir ki, Reuters agentliyinin məlumatına görə, bu tariflər, Ukraynada müharibə başa çatdıqdan sonra ləğv ediləcək.

"Həftənin əvvəlində, biz Aİ-dən olan müttəfiqlərimizə açıq şəkildə bildirdik ki, əgər onlar müharibəni bitirməkdə ciddidirlərsə, bizimlə birgə bu əhəmiyyətli tarifləri tətbiq etməlidirlər və bu tariflər müharibə sona çatanda ləğv ediləcək," – deyə nazirliyin nümayəndəsi bildirib. "Trampın sülh və rifah administrasiyası hazırdır və bizim G7-dən olan tərəfdaşlarımız da bizə qoşulmalıdır," – o əlavə edib.

Məryəm Quliyeva