Fransa prezidenti Emmanuel Makron ABŞ prezidenti Donald Trampın Qəzza münaqişəsinin sülh yolu ilə bağlı planını dəstəkləyib.

Makron bu barədə öz “X” hesabında məlumat verib.

“Mən Prezident Trampın Qəzzada müharibəni dayandırmaq və bütün girovları azad etmək öhdəliyini alqışlayıram”, - Makron bildirib.

Fransa prezidenti İsrailin sülh planını həyata keçirəcəyinə ümid etdiyini bildirib və qeyd edib ki, HAMAS-ın bütün qalan israilli girovları azad etməkdən və həmçinin plana əməl etməkdən başqa seçimi qalmayacaq.