Zaporojye Atom Elektrik Stansiyasında nüvə təhlükəsizliyi baxımından qeyri-sabit vəziyyət yaranıb.

Xalqcebhesi.az xəbər verir ki, bu barədə MAQATE-nin baş direktoru Rafael Qrossi bəyan edib.

"Hal-hazırda stansiya, təcili yanacaq generatorları — sonuncu müdafiə xətti sayəsində vəziyyəti idarə edir və onlar işlədikcə, dərhal təhlükə yoxdur, amma vəziyyət nüvə təhlükəsizliyi baxımından aydın şəkildə qeyri-sabitdir", — deyə o qeyd edib.

Qrossi vurğulayıb ki, heç bir tərəf nüvə qəzasından qazanclı çıxmayacaq.

MAQATE rəhbəri hər iki tərəf ilə daimi əlaqədə olduğunu və Zaporojye AES-in elektrik şəbəkəsinə ən qısa zamanda yenidən qoşulmasını təmin etməyə çalışdığını bildirib.

Məryəm Quliyeva