Gürcüstanın müvəqqəti işlər vəkili Almaniya Xarici İşlər Nazirliyinə (XİN) çağırılıb.

APA-nın yerli bürosu xəbəri verir ki, bu barədə XİN-in “X” hesabında bildirilib.

Məlumata əsasən, gürcü diplomata bildirilib ki, Gürcüstan hakimiyyətinin Almaniyanın Tbilisidəki səfirinin ünvanına əsaslandırılmamış ittihamları və aqressiv ritorikası qəbuledilməzdir və dayandırılmalıdır.

Qeyd edək ki, Almaniyanın Gürcüstandakı səfiri Peter Fişer sentyabrın 24-də Gürcüstan XİN-ə çağırılıb. Gürcüstan tərəfi diplomatın ölkədə radikal gündəmi təşviq etmək cəhdlərindən narahatlıq ifadə edib.