İtaliyanın xarici işlər naziri Antonio Tajani bəyan edib ki, Roma qarşıdan gələn Olimpiya Oyunları zamanı bütün qlobal münaqişələrdə müvəqqəti atəşkəsə nail olmağa çalışacaq.

Xalqcebhesi.az xəbər verir ki, bu barədə “Ansa” xəbər agentliyi məlumat yayıb.

"Roma və İtaliya getdikcə daha çox sülh, inkişaf və böyümənin kəsişmə nöqtəsinə çevrilir. Milanda keçiriləcək Olimpiya Oyunlarını nəzərə alaraq, biz Birləşmiş Millətlər Təşkilatına Ukrayna və Yaxın Şərq daxil olmaqla, bütün müharibələr üçün Olimpiya atəşkəsi təklifi təqdim edirik", - Tajani bildirib.

2026-cı il Qış Olimpiya Oyunları 2026-cı il fevralın 6-dan 22-dək İtaliyada, iki şəhərdə: Milan və Kortina d'Ampezzoda keçiriləcək.

Məryəm Quliyeva